Kremi i diellit (SPF): si ta zgjidhni dhe pse duhet edhe në dimër

Nëse do të zgjidhnit vetëm një produkt për lëkurën, ai do të ishte kremi i diellit. Rrezet UV janë shkaku kryesor i njollave të errëta, plakjes së parakohshme dhe një pjesë e madhe e dëmtimit të lëkurës — dhe ato janë aty edhe kur është vrenjtur ose ftohtë.

SPF, PA dhe “broad spectrum”

• SPF mat mbrojtjen nga rrezet UVB, ato që djegin lëkurën. SPF 30 bllokon rreth 97% të tyre, SPF 50 rreth 98%. Për përdorim të përditshëm, SPF 30 është minimumi; SPF 50 është më i sigurt nëse rrini jashtë.
• PA (PA+ deri PA++++) tregon mbrojtjen nga rrezet UVA — ato që shkaktojnë njolla dhe rrudha dhe kalojnë edhe përmes xhamit. Sa më shumë “+”, aq më mirë.
• Broad spectrum do të thotë mbrojtje nga të dyja.

Pse edhe në dimër?

Rrezet UVB janë më të dobëta në dimër, por UVA mbeten pothuajse njëlloj gjithë vitin dhe kalojnë përmes reve e dritareve. Dëbora reflekton deri në 80% të rrezeve UV, prandaj në mal lëkura digjet shpejt. Nëse jeni duke trajtuar njolla ose përdorni retinol dhe acide, kremi i diellit është i domosdoshëm çdo ditë — përndryshe pjesa më e madhe e rezultatit humbet.

Sa krem duhet?

Shumica vendosim sa gjysma e sasisë së nevojshme, dhe mbrojtja bie shumë më poshtë se numri në paketë. Rregulli i thjeshtë: dy vija krem sa gjatësia e gishtit tregues dhe të mesit për fytyrën dhe qafën. Vendoseni si hapin e fundit të rutinës së mëngjesit, para grimit.

Kur riaplikohet?

• Çdo 2 orë kur jeni jashtë në diell.
• Menjëherë pas notit, djersitjes ose fshirjes së fytyrës.
• Nëse rrini në zyrë larg dritares, një aplikim në mëngjes zakonisht mjafton.

Për riaplikim mbi grim, një stik (shkop) dielli ose një cushion me SPF janë më praktikë se kremi.

Kremi i diellit sipas llojit të lëkurës

Lëkurë e yndyrshme ose me akne

Kërkoni teksturë xhel ose “watery” që nuk lë shkëlqim.

Lëkurë normale ose e kombinuar

Kremi i diellit më i dashur i K-beauty, i lehtë dhe pa mbetje të bardha:

Lëkurë e thatë ose e ndjeshme

Formula më kremoze me përbërës qetësues:

Sport, plazh, djersitje

Për riaplikim gjatë ditës

Filtra kimikë apo minerale?

Filtrat kimikë (organikë) thithin rrezet UV dhe zakonisht janë më të lehtë e pa mbetje të bardha. Filtrat mineralë (zinku, titani) i reflektojnë dhe shpesh i durojnë më mirë lëkurat shumë të ndjeshme. Të dy mbrojnë mirë — kremi më i mirë është ai që e përdorni çdo ditë.

Të gjithë kremrat e diellit që kemi: krem dielli.